尋日實在冇辦法專心工作，每隔5分鐘就𥄫𥄫個電話睇吓新聞有咩狀況。到夜晚兩公婆返去睇意大利新聞，意料之內，呢壇嘢咁大，衝出歐洲連意大利新聞都有講。
雖然人在海外，但香港發生咁大件事，我個心又點會唔囉囉攣吖？邊睇新聞，意佬邊問:「咁香港係咪會變得好危險？咁第時我哋嘅下一代喺意大利生活好還是香港好？」
我唔識答，好無助，好驚，好內疚自己幫唔到啲乜，好怕曾經揚名國際嘅呢個家，從此家不成家。
日有所思，夜晚真係會發夢，我夢見自己同成班人圍埋一齊，研究點樣可以拯救香港😔
#人在海外
#心繫香港
#香港加油
新聞轉載自euronews